ဒီတစ်ခေါက် ထားဝယ်ရောက်ခဲ့တော့ ဒေသခံတွေကြားမှာ နေ့စဉ်နီးပါးမျှ ပြောဆိုနေကြတဲ့ အကြောင်းအရာကတော့ ထားဝယ် ရေနက်ဆိပ်ကမ်းနှင့် ပတ်သက်တဲ့ အကြောင်းရာတွေပါပဲ။ သူတို့ နေ့စဉ်ပြောနေကြတဲ့ ကိစ္စတွေထဲမှာ ရေနက်ဆိပ်ကမ်း ကြောင့် ထားဝယ်မြို့ ဘယ်လောက်အထိ စီးပွားရေး တိုးတက်လာနိုင်တယ်၊ အလုပ်ကိုင် အခွင့်လမ်းတွေမှာ ဒေသခံတွေ အနေနှင့် ဘယ်အတိုင်းတာအထိ ရရှိလာနိုင်မလဲ။ အခုဆို အိမ်ဈေးတွေ တက်လာတဲ့ အကြောင်းတွေ၊ လမ်းဖောက်လုပ်မယ့် အနေထားတွေ စသဖြင့် အမျိုးမျိုး ထင်မြင် သုံးသပ်နေကြတာ တွေ့ရတယ်။ ရေနက်ဆိပ်ကမ်းနှင့် ပတ်သက်ပြီး သူတို့ အတော်လေး မျှော်လင့်ထားတာ တွေ့ရတယ်။ ဘွဲ့ရလူငယ် တစ်ချို့ကလည်း ရေနက်ဆိပ်ကမ်းနှင့် ပတ်သက်ပြီး အင်တာနက်မှ ရသမျှ အချက်လက်တွေနှင့် ဂျာနယ်တွေက သတင်းအချက်လက်တွေ စုဆောင်းနေတာ တွေ့ရတယ်၊သူတို့အနေနှင့် ထားဝယ် ရေနက်ဆိပ်ကမ်းမှာ အလုပ်တစ်ခုခုရဖို့ စိတ်အားထက်သန်နေသလို၊ အချက်အလက်တွေနှင့် ပတ်သက်လာရင် ခရီးသွားတွေ မေးလာရင် ပြန်ဖြေနိုင်ဖို့၊ အလုပ်နှင့်ပတ်သက်လာရင် အထောက်ကူရဖို့ လေ့လာနေတာ တွေ့ရတယ်။
ထားဝယ်မှ နဘုလယ်သို့ မိုင် ၂၀ ကျော်ခရီး
ထားဝယ်မှ ရေနက်ဆိပ်ကမ်းသို့ သွားဖို့ဆိုရင် မောင်းမကန် အပန်းဖြေစခန်းက မပါမဖြစ်။ ဒီလမ်းက သွားမှဖြင့်တော့ မောင်းမကန်ကို လူတိုင်း ၀င်လည်ကြလိမ့်မည်။ ထားဝယ်မြို့မှ မောင်းမကန်ကို မိနစ် ၃၀ ခရီးရှိပြီး
အကွာဝေးကတော့ ၁၀ မိုင် ခရီးရှိ သည်။ ထားဝယ်မှ မောင်းမကန်ကို ကတ္တရာလမ်း ခင်းထားပြီး ဒီလမ်းတစ်လျှောက်မှာ အရေးပါလာမယ့် ကမြောကင်း တံတားကို ဖြတ်သန်းလိုက်တော့ လောင်းလုံးမြို့နယ်ကို စ၀င်လာပြီ။
လမ်းဆုံမှာတော့ ဗိုလ်မှူးဗထူး ရုပ်တုကြီးက ခံ့ညားစွာ တည် ရှိနေသည်။ ၎င်းသည် လောင်းလုံးမြို့နယ်၊ လေးသွန်းခံရွာဇာတိ ဖြစ်သည်။ တစ်ချိန်ကျလို့ ဒီနေရာကနေ ခရီးသွားတွေ အသွားများလာရင် ဗိုလ်မှူးဗထူး ရုပ်တုဟာ ခရီးသွားများ အတွက် အမှတ်တရ နေရာလေးတစ်ခု ဖြစ်လာဖို့ ရှိတယ်၊ ဗိုလ်မှူးဗထူး ရုပ်တုရဲ့ ဘယ်ဘက်ကို ချိုးကွေ့သွားရင် လောင်းလုံးမြို့နယ်ကို ရောက်မှာဖြစ်ပြီး ညာဘက်ကို သွားရင်တော့ မောင်းမကန် ကမ်းခြေ၊ ရေနက်ဆိပ်ကမ်းဘက်ကို သွားရာလမ်းကို ရောက်မယ်၊ မောင်းမကန်ကို သွားတဲ့လမ်းကတော့ အရင် တိုင်းပဲ ထူးထူးခြားခြား ပြောင်းလဲမှုတွေ မရှိသေးပါဘူး၊ မောင်းမကန်ရောက်တော့ ရေနက်ဆိပ်ကမ်းကို သွားဖို့စီစဉ်ကြတော့ သူငယ်ချင်းတွေထဲက ကိုမိုးဝေတစ်ယောက်ပဲ ပါလာတော့တယ်၊ အချိန်ကလည်း နေကျဲကျဲတောက်ပူနေတဲ့ နေ့လည်အချိန်ကြီး။ သွားရမှာက ဝေးတယ်၊ နေရာလည်း ခေါင်တယ်ဆိုတော့ သိပ်မလိုက်ချင်ကြတော့ဘူး။
ရေနက်ဆိပ်ကမ်းကို သွားဖို့ သူငယ်ချင်း ကိုမိုးဝေနှင့် ဆိုင်ကယ်ခရီး စတင်လိုက်ပြီး မောင်းမကန် ရေပူစမ်းကို စတင် ဖြတ်သန်းလိုက်သည်။ ရေပူစမ်းက မောင်းမကန် စံပြကျေးရွာအပိုင် ဖြစ်ပြီး ဒီနေရာမှာတော့ လမ်းအနေထားက သိပ်ပြီး မကောင်းသေး။ ကတ္တရာလမ်းပျက်ပုံစံမျိုး ဖြစ်နေပြီး ရေပူစမ်းကို လွန်လာတော့ ပန်းတင်အင်း စံပြကျေးရွာကို ရောက်သည်။ ရေနက်ဆိပ်ကမ်းအတွက် အသုံးပြုရန် လမ်းဖောက်ထားသော မြေသားလမ်းကို စတင် ဖြတ်သန်းလာပြီး လမ်းမှာ မောင်း၍ကောင်းသော လမ်းအနေထား ဖြစ်သည်။ မြေသားပေါ်မှာ ကျောက်စရစ်လေးများ ကြိတ်ထားသည့် ပုံစံဖြစ်ကာ သွားလာရ အဆင်ပြေအောင် ပြုလုပ်ထားတာ တွေ့ရသည်။ လမ်းကို ရွာထဲမှ ဖောက်လုပ်ထားပေမယ့် အိမ်တွေကိုတော့ ဖြတ်သန်းပြီး လုပ်ဖို့ မရှိကြောင်း၊ လမ်းနှင့်ကပ်လျက် အနေထား ရှိနေသော အိမ်တစ်အိမ်မှ ဒေသခံတစ်ဦးက ပြောကြားသည်။ အဆိုပါ လမ်းမှာ ယာယီအနေထားသာ ရှိသော်လည်း ရေနက်ဆိပ်ကမ်း စီမံကိန်းကြီး အတွက် ဆောက်လုပ်ရေး လုပ်ငန်းများ စတင်လျှင် တစ်လမ်းသွားပုံစံထက် တိုးချဲ့လာရန် ရှိနေကြောင်း သိရသည်။ ပန်းတင်အင်းရွာ လွန်လာတော့ မူးဒူး ရွာကို စတင် ၀င်ရောက်လာပြီ။ အဲဒီရွာတွေမှာ ဥယျာဉ်လုပ်ငန်းတွေကို အဓိက လုပ်ကိုင်ကြတာ တွေ့ရသည်။
| ထားဝယ်မြို့ကြီးကတော့ ရေနက်ဆိပ်ကမ်းနှင့် ပတ်သက်ပြီး ရုန်းကြွလာနေပြီ ဖြစ်သလို အနာဂတ် လူငယ်များ အတွက်လည်း ၁၀ နှစ် စီမံကိန်းဖြင့် တည်ဆောက်မည့် ရေနက်ဆိပ်ကမ်းကြီးမှာ . . . |
''အခု ကျွန်တော်တို့ ရေဖြူမြို့နယ်ထဲက ၀င်လာနေပြီ၊ အရင်က ဒီနေရာတွေကို သွားလာဖို့ မလွယ်ဘူး၊ လမ်းကကြမ်းသလို နယ်မြေလည်း အရမ်းကြမ်းတယ်၊ အရင် သဲလမ်းတွေ ဖြစ်ပြီး ဒေသခံတွေပဲ မောင်းတတ်တယ်၊ အခု ဒီလိုလမ်းတွေ ဖောက်လုပ်ပေးလိုက်တော့ ဒီဒေသလည်း အထိုက်လျောက် ဖွံ့ဖြိုးလာသလို သွားလာလည်ပတ်တဲ့ သူတွေလည်း များလာတယ်''ဟု ကိုမိုးဝေက ဆိုင်ကယ်မောင်းရင်း ရှင်းပြပါသည်။ လမ်းက တစ်ရွာနှင့်တစ်ရွာ ပြတ်လှသည်။ မြေသားတစ်လျှောက်တွင် ထားဝယ် ရေနက်ဆိပ်ကမ်းနှင့် ပတ်သက်ပြီး လမ်းဆိုင်းဘုတ်လေးတွေ ထောင်ထားတာ တွေ့ရသည်။ အင်္ဂလိပ်အက္ခရာ အစီစဉ်အလိုက် ရေနက်ဆိပ်ကမ်း ဘက်မှ စိုက်ထူလာတာ တွေ့ရသည်။ မူးဒူးရွာကို လွန်လာတော့ နဘုလယ်ရွာ အပိုင်ထဲကို ရောက်လာပြီ၊ နဘုလယ်ရွာ မ၀င်မီ တစ်ဖာလုံခန့် အလိုမှာတော့ ထားဝယ်ရေနက်ဆိပ်သို့ သွားရာလမ်းနှင့် ထိုင်းနိုင်ငံသို့ သွားရာလမ်းကို ရောက်လာတယ်၊ ဒီနေရာက ထိန်ကြီးကျေးရွာ ဖြစ်ပြီး လမ်းဆုံဖြစ်တယ်၊ တစ်လမ်းက ရေနက်ဆိပ်ကမ်းမှ ထိုင်းနိုင်ငံသို့ ဖြောင့်တန်းစွာ ဖောက်လုပ်ထားသည့် လမ်းဖြစ်ကာ တစ်လမ်းကတော့ မောင်းမကန်မှ နဘုလယ်ကို ဖောက်လုပ်ထားတာ တွေ့ရသည်။
ထိန်ကြီးရွာနှင့် ရေနက်ဆိပ်ကမ်း
မောင်းမကန်မှ နဘုလယ် ၁၃ မိုင် ခရီးက ဒီမှာ အဆုံးသတ်သည်။ မောင်းချိန်က ၄၅ မိနစ်ခရီး ရှိပြီး ထားဝယ်မှ ဆိုရင်လျင်ဖြင့် ၂၃ မိုင်ကြာချိန်က တစ်နာရီကျော် ရှိသည်။ ထိန်ကြီးရွာမှာရှိတဲ့ ရေနက်ဆိပ်ကမ်းကို သွားဖို့
အရှေ့မှာရှိတဲ့ မြေသားလမ်းကနေ ၀င်လိုက်ရတယ်၊ လမ်းဆုံလမ်းကတော့ သွားလို့မရဘဲ သဲလမ်းအနေထား ဖြစ်သည်။ ထိန်ကြီးရွာထဲမှာတော့ လမ်းတွေ အများအပြား ဖောက်လုပ်ထားပြီး လူနေအိမ်ခြေတွေနှင့်တော့ ဝေးသည်။
စက်မှုမြို့တော်အတွက် လမ်း တွေ အရင် ဖောက်လုပ်နေပြီး အခြေခံ အဆောက်အအုံ တည်ဆောက်မှုတွေ မတွေ့ရသေးပေ။ မြို့ပတ်လမ်းလို ပုံစံတွေ ဖောက်လုပ်ထားပြီး စက်မှုမြို့ တည်ဆောက်မည့် နေရာတွင် လတ်တလော လွင်ပြင်များ၊ တောချုံများသာ တွေ့ရသည်။ထိန်ကြီးကျေးရွာရှိ ရေနက်ဆိပ်ကမ်း တည်ဆောက်မည့် နေရာ ရောက်တော့ ကမ်းခြေအနေထားကို လိုက်လေ့လာမိသည်။ ''ကမ်းခြေက လျှောစောက် အရမ်းနက်တယ်၊ အဘလှေကလေးထားတဲ့ နေရာမှာဆို ရေက အရမ်းနက်နေပြီ၊ ကမ်းခြေအထိ ကို လမ်းဖောက်လုပ်ထားပေမယ့် ဆောက်လုပ်ရေး လုပ်ငန်းတွေကို တစ်လပိုင်းလောက်မှ လုပ်မယ်လို့တော့ ပြောသံကြားတယ်။ ဒီမှာက ရှမ်းတွေ(ထိုင်းလူမျိုးများကို ဆိုလို)ပဲများပြီး ၈၀ လောက်ရှိမယ် ထင်တယ်။ ဗမာလူမျိုး အလုပ်ကြမ်းသမားတွေက ၂၀ လောက်ပဲ ရှိပြီး သူတို့ရဲ့ တစ်ရက် လုပ်အားခက ကျပ် ၃၅၀၀ ရကြတယ်။ အဘတို့ရွာကို လျှာထားမှုအထဲမှာ ပါတယ်လို့ ပြောပေမယ့် အခုထိတော့ ပြောင်းဖို့ မကြားရသေးပါဘူး။ လမ်းဖောက်လုပ်မှုတွေမှာပါတဲ့ ဥယျာဉ်တွေ၊ လယ်တွေကို သတ်မှတ်တွက်ချက်မှုတွေနှင့် ပေးမယ်လို့ ဆိုပေမယ့် တစ်ယောက်မှ ရတဲ့အသံ မကြားရသေးပါဘူး။ ဆိပ်ကမ်းဆောက်လုပ်ဖို့က ဟိုးဘက်အော်ထိပ်ကနေ ဒီဘက်အော်ထိပ်အထိ ရှိတယ်။ အဲဒီ အထဲမှာ နောက်ဆိုရင် ဘာမှနေထိုင် လုပ်ကိုင်ခွင့် ရှိမယ် မထင်တော့ပါဘူး''။ ရွာက တံငါသည် အဘိုးအိုတစ်ဦးရဲ့ စကားသံ ဖြစ်သည်။
ရေနက်ဆိပ်ကမ်း တည်ဆောက်မည့် ထိန်ကြီးရွာ ကမ်းခြေတွင် ဒေသခံ တံငါသည် မိသားစုများ၏ ယာယီတဲလေးတွေ နှစ်ဆယ်ကျော်လောက်ရှိပြီး ယင်းကမ်းခြေကို မှီပြီး အသက်မွေးဝမ်းကျောင်း ပြုကြကြောင်း သိရသည်။''မောင်းမကန်ကနေ စက်ဘီးလေးတွေနှင့် ငါးလာဝယ်တဲ့ သူတွေကို အားကိုးရတယ်။ ငါးဝယ်တဲ့ စက်ဘီးသမားတွေကလည်း အမြဲတမ်း မလာနိုင်။ ဒီကနေ သွားရောင်းဖို့ ဆိုတာကလည်း ကုန်းလမ်းခရီးကဝေး၊ ရေလမ်းခရီးကလည်း တစ်နာရီခွဲကြာ ခုတ်မောင်းဖို့ ဒီဇယ်က သုံးဂါလန် လိုတယ်။ ဖမ်းမိတဲ့ငါးတွေက ပါကေးအဆင့်လောက်ပဲရှိတဲ့ ဈေးမကောင်းတဲ့ငါးတွေ၊ အခုလည်း ရေနက်ဆိပ်ကမ်းကြောင့် သူတို့ နန်းတော်တွေလည်း ဘုံပျောက်ဖို့ နီးနေပြီ''ဟု ဒေသခံတစ်ဦးကဆိုသည်။ ရေနက်ဆိပ် ကမ်း တည်ဆောက်မည့် နေရာမှာ မောင်းမကန်နှင့် လွန်စွာ ဆင်တူပြီး လှပသည့် ကမ်းခြေတစ်ခုအဖြစ် တွေ့ရသည်။ သံပိုက်လုံးတွေ သံရက်မကြီးတွေလောက်ပဲ တွေ့ရသေးပြီး စက်တွေကိုတော့ မတွေ့ရသေးပါ၊ ထိန်ကြီးကျေးရွာရေနက်ဆိပ်ကမ်းမှ ထိုင်းနိုင်ငံသို့ ကားလမ်းဖောက်လုပ်ရာတွင် ထိန်ကြီးမှကလုံးထားရွာသို့ ဖောက်လုပ်သွားမည် ဖြစ်ပြီး ရေး-ထားဝယ် ကားလမ်းမကြီးကို ဖြတ်သန်းသွားမည် ဖြစ်ကာ ထိုင်းနိုင်ငံသို့ ရောက်ရှိမည် ဖြစ်ကြောင်း သိရသည်။ ထိန် ကြီး-ကန်ချာနဘူရီ လမ်းမသစ်ကြီးကို ကီလိုမီတာ ၁၀၀ အထိ တိုင်းတာမှုများ ပြုလုပ်ပြီးကြောင်း၊ ထိုနေရာတွင် ထိုင်းနိုင်ငံရှိ ခရိုင်လေးခုခန့်က နီးကပ်စွာ ရှိနေပြီး ထို ခရိုင်လေးခုတွင် စက်မှုဇုန်ကြီးများ ရှိနေသည်။ ထိုင်းနိုင်ငံ အနေဖြင့် တည်ဆောက်မည့် ရေနက်ဆိပ်ကမ်းသည် ထိုင်းဘတ်ဘီလျံ ၁၀၀ ကုန်ကျခံကာ တည်ဆောက်သွားမည် ဖြစ်ပြီး နှစ်နိုင်ငံ အကျိုးစီးပွားအတွက် များစွာအရေးပါမည့် စီမံကိန်းကြီး တစ်ခုဖြစ်ကာ အောင်မြင်စွာ တည်ဆောက်နိုင်ပါက ရေမိုင် ၁၂၅၀ ခန့်ကို လေးရက်ပိုသွားနေရသည့် ပင်လယ်ကူးသင်္ဘောကြီးများ မာလက်ကာ ရေလက်ကြားကို ဖြတ်သန်းသွားစရာ မလိုဘဲ မြန်မာနိုင်ငံကို ၀င်လာကြတော့မည် ဖြစ်သည်။
တန်ချိန် ၅၀၀၀၀ ခန့်ရှိ သင်္ဘောကြီးများသည် ရေနက်ဆိပ်ကမ်းတွင် လာရောက် ဆိုက်ကပ်ပြီး ကုန်းလမ်းခရီးမှ ကုန်ပစ္စည်း လတ်လတ်ဆတ်ဆတ် တင်ပို့နိုင်မည် ဖြစ်သည်။ထားဝယ် ရေနက်ဆိပ်ကမ်းဟု ခေါ်နေကြသည့် ထိန်ကြီး ရေနက်ဆိပ်ကမ်းကို မြန်မာနိုင်ငံ၏ နိုင်ငံခြားရင်းနှီးမှု အဓိက ဆိပ်ကမ်းအဖြစ် အသုံးပြုမည်ဟု သိရသည်။ ထားဝယ်မြို့ရှိ အာဇာနည်လမ်းမကြီးမှ ဖြောင့်တန်းဖောက်လုပ်ထားသည့် မေတ္တာလမ်းကို အသုံးမပြုဘဲ ထားဝယ်မြို့မှ မိုင် ၂၀ ကျော်ဝေးသည့် ထိန်ကြီး-ကလုံးထား-ထိုင်းနိုင်ငံကို ကားလမ်းဖောက်မည် ဖြစ်သည်။ဘာပဲဖြစ်ဖြစ် ထားဝယ်မြို့ကြီးကတော့ ရေနက်ဆိပ်ကမ်းနှင့် ပတ်သက်ပြီး ရုန်းကြွလာနေပြီ ဖြစ်သလို အနာဂတ် လူငယ်များအတွက်လည်း ၁၀ နှစ် စီမံကိန်းဖြင့် တည်ဆောက်မည့် ရေနက်ဆိပ်ကမ်းကြီးမှာ အခွင့်လမ်းတွေ ရှိလာနိုင်တယ်၊ လူငယ်၊ လူလတ်ပိုင်း လုပ်ငန်းရှင်လေးတွေလည်း သူတို့နှင့် သင့်တော်မည့် စီးပွားရေးလုပ်ငန်းများကို ရင်းနှီးမြှုပ်နှံဖို့ စိတ်ဝင်စားနေသလို လုပ်ငန်းရှင်ကြီးတွေလည်း နေရာစုံမှ ရောက်ရှိနေကာ ထားဝယ်မြို့ရဲ့ စီးပွားရေး အလားလာများကို အကဲခတ်နေကြပြီ။
No comments:
Post a Comment